Delegasaun inter-ministeriál ho membru na’in-sia husi Timor-Leste partisipa iha Workshop kona-ba Operasionalizasaun Matadalan Rezolusaun Disputa Alternativa (𝘴𝘪𝘨𝘭𝘢 𝘐𝘯𝘨𝘭é𝘴; 𝘈𝘋𝘙) tuir Akordu Komérsiu Sasán ASEAN nian ne’ebé Atualizadu (𝘴𝘪𝘨la 𝘐𝘯𝘨𝘭é𝘴; 𝘈𝘛𝘐𝘎𝘈), ne’ebé hala’o iha Sentru Arbitrajen Internasionál Aziátiku (𝘈𝘐𝘈𝘊) iha Kuala Lumpur, Malázia husi loron 27-29 Fulan Jullu 2026

Delegasaun Timor-Leste ne’e kompostu husi reprezentante husi Ministériu Komérsiu no Indústria (MCI), Ministériu Negósiu Estranjeiru no Kooperasaun (MNEK), Ministériu Justisa (MJ), Autoridade Alfándega iha Ministériu Finansas (MF) nia okos, no Autoridade Nasionál Petróleu (ANP) iha Ministériu Petróleu no Rekursu Minerais (MPRM), reflete aprosimasaun Governu nian hodi hametin governasaun komérsiu no kapasidade rezolusaun disputa sira.

Ko-organiza husi Banku Dezenvolvimentu Aziátiku (ADB), Institutu Banku Dezenvolvimentu Aziátiku (sigla Inglés; ADBI), Pilar Komérsiu Abertu Programa Integrasaun Ekonómika ASEAN-Reinu Unidu (sigla Inglés; AEIP OTP), no Sekretariadu ASEAN, workshop ne’e fornese formasaun prátika ne’ebé iha valór kona-ba negosiasaun, eskritóriu di’ak, konsiliasaun, no mediasaun nu’udar mekanizmu efetivu atu prevene komérsiu no disputa.

Liuhusi partisipasaun ativu iha sesaun interativu no estudu kazu sira, delegasaun hametin ninia koñesimentu tékniku, hasa’e kolaborasaun entre ajénsia sira, no reforsa kompromisu Timor-Leste nian hodi implementa kompromisu komérsiu ASEAN nian. Koñesimentu no esperiénsia ne’ebé hetan ona sei kontribui ba nasaun nia esforsu kontinua atu promove ambiente komérsiu ida ne’ebé transparente, previzível, no bazeia ba regra sira bainhira Timor-Leste avansa nia jornada iha integrasaun ekonómika ASEAN.