AUGUSTO JÚNIOR TRINDADE, Agora dadaun Vise Ministru Komérsiu no Indústria nu’udar ativista polítiku no membru organizasaun Rezisténsia Nasionál Estudante Timor Leste (RENETIL).
Iha tinan 1993 – 1999, nia lidera organizasaun IMPETTU iha provínsia Java Leste, Indonézia, iha ne’ebé nia hala’o knaar importante hodi mobiliza estudante Timor Leste hodi partisipa iha referendum ba independénsia Timor Leste. Ninia knaar nu’udar manifestante ida iha okupasaun fatin Ministériu Negósiu Estranjeiru Indonézia nian iha Jakarta husi estudante Timor-Leste iha tinan 1998 mós destaka.
Hafoin Prezidente B.J. Habibie nia dekretu kona-ba opsaun ba futuru Timor Lorosa’e nian, S.E. AUGUSTO JÚNIOR TRINDADE ho kolega estudante sira seluk deside atu fila hikas mai Timor Leste hodi organiza referendu “Ukun Rasik Aan” ba independénsia nasionál, iha ne’ebé nia nu’udar membru ida husi CPCC, envolve ativu iha atividade sira hodi mobiliza ema ba referendu iha rejiaun sira husi Oecusse, Bobonaro, Ermera no Liquiça.
Iha tinan 1999 – 2000, nia nu’udar Xefe Negosiadór iha ne’ebé nia lidera negosiasaun ho UNTAET hodi fasilita estudante timoroan sira kontinua sira-nia estudu iha Indonézia no depois, nia asume kargu nu’udar Xefe Organizasaun Nasionál ba Demokrasia no Pás, promove programa ba rezolusaun konflitu, demokrasia, dame no rekonsiliasaun.
Iha tinan 2000-2006, nia hanesan inisiadór ida ba estabelesimentu no formasaun Partidu Demokrátiku (Partido PD ). Nia mós hala’o kna’ar nu’udar Jerente ba Asuntu Mikrofinansa iha organizasaun internasionál Christian Children Found, no kaer pozisaun hanesan iha AMCAP (Ainaro, Mantuto, programa ativasaun Covalima).
Iha mandatu dahuluk Sua Exelénsia Prezidente Repúblika José Ramos-Horta iha tinan 2007-2012, S.E. AUGUSTO JÚNIOR TRINDADE simu kargu nu’udar Asesór ba luta hasoru ki’ak no prevensaun konflitu, no hala’o programa Sua Exelénsia Prezidente Repúblika José Ramos-Horta iha kriasaun Sidade Dame Dili iha Palacio da Cinzas Caicoli, Dili.

Iha tinan 2012-2017, durante mandatu dalima Governu Konstitusionál, S.E. AUGUSTO JÚNIOR TRINDADE hala’o knaar nu’udar asesór ba asuntu indústria no kooperativa ba Sekretáriu Estadu Indústria no Kooperativa. NIA. Sr. Filipus Nino Pereira, Iha tinan hanesan, nia mós hala’o knaar nu’udar asesór ba Ministru Asuntu Sosiál no Ministru Edukasaun kona-ba monitorizasaun no fiskalizasaun ba programa merenda eskolár.
No iha tinan 2018-2021 nia servisu nu’udar Prezidente Sentru Lojístika Nasionál (CLN).
Iha mandatu daruak Sua Exelénsia Prezidente Repúblika José Ramos-Horta, iha tinan 2022. S.E. AUGUSTO JÚNIOR TRINDADE hala’o knaar nu’udar asesór ba asuntu estratéjiku sira ne’ebé relasiona ho dezenvolvimentu indústria kafé nian iha Timor-Leste.
Númeru Telefone Ofisiál : +670 77953146
E-Mail Ofisiál : augusto.trindade@timor-leste.gov.tl