KOMISAUN NEGOSIASAUN ASEAN BA DALA 15 LIGA HO EKONOMIA DIJITAL NIA AKORDU KUADRU HANARAN DEFA KONKLUI HO SUSSESSU

Jakarta, 28 Novembru 2025

Oficiais Ministeriu Komersiu no Industria partisipa iha Reuniaun ho oficiais membru Estadu ASEAN inklui Timor-Leste iha dala 15 DEFA ka Ekonomia Dijital nia Akordu Kuadru iha Jakarta husi loron 25 to’o 27 Novembru 2025.

Reuniaun ne’e hanesan kontinuasaun husi negosiasaun nebe halao ona entre paiz ASEAN nain 10 nia oficiais tekniku sira hodi diskuti kona ba artigu ida idak husi akordu kuadru ekonomia dijital DEFA nebe kobre assuntu pillar sia (9) mak hanesan kona ba komersiu eletroniku transfronteira, komersiu sem papel ka paperless trade, online ho seguru no seguransa cibernetika, movimentu dadus transfronteiras, protesaun dadus pessoal, protesaun konsumidores, politika kompetisaun, kooperasaun iha teknolojia foun sira no iha mobilidade talentu.

Tekniku sira husi MCI mos akompanha husi official TIC Timor official hodi tuir observasaun iha diskusaun negosiasaun DEFA ho besik hamutuk ho oficiais sira husi Paiz membru ASEAN sira hotu.

Durante abertura diskusaun, MCI hato’o mensajen Ministro Komersiu no Industria S.E. Ministro Nino Pereira ninia mensajen kona ba Komersiu Eletroniku katak ne’e laos ona ambisaun ida maibe Timor-Leste moris dadauk ona ho E-Commerce, hodi integra ona ninia atividades komersiu servisu no bens via eletroniku.

Iha mundu moderno, Komersiu eletroniku transforma ona ema nia moris, nia servisu no oinsa ema halo transaksaun, kria trabalho, asselera komersiu no halo ona mudansa iha investimentu transfronteira nian.

Timor-Leste sei persiza deit hadia nia dezenvolvimentu infrastrutura dijital fazeadamente, ho resepsaun kabu sub marinu mai iha Timor-Leste husi porto Hedland Australia, no ho apoiu husi rai sira hotu iha ASEAN, Timor-Leste mos sei prontu hodi simu akordu kuadru Ekonomia Dijital ASEAN nian no mais integradu iha tinan lima oin mai, haktuir Ministru iha dokumentu Politika Estratejia Ekonomia Eletroniku nacional ka E-Commerce National Strategy.

Iha reuniaun Negosiasaun DEFA ba dala 15 ne’e, tamba diskusaun kompleksu liu, no iha assuntu barak husi pillar 9 DEFA nian mak paiz sira iha ASEAN seidauk too iha konsensu, balun konklui ona no artigu balun seidauk, assuntu barak nebe kompleksu sei lori ba iha enkontru SEOM nian atu deside iha reuniaun tuir mai.

Husi Negosiasaun DEFA ne’e nia rezultadu mak akordu DEFA besik konklui ona no tentativamente ageda atu konklui iha trimestre 2026 no sei lori ba aprovasaun no asina husi membru Estadu ASEAN sira hotu ho Timor-Leste iha tinan oin.

Maske Timor-Leste nia roteiru implementasaun ba DEFA alista ona iha prioridade 3 roteiru implementasaun AEC roadmap nebe efetivu tinan lima pos adezaun nudar membru 11 ASEAN nian.

Negosiasaun DEFA ne lidera husi Tailandia nebe mak apresia oficiais Timor oan sira husi MCI no MTC nebe partisipa iha “15th DEFA NC meeting” primeira vez nudar Estadu Membru ASEAN, anunsia mos katak DEFA sei inklui mos Timor-Leste iha atividades sira hotu, liga ho programa kapasitasaun ekonomia Dijital.

Kona-bá