𝐌𝐢𝐧𝐢𝐬𝐭𝐞𝐫𝐢𝐮 𝐊𝐨𝐦𝐞𝐫𝐬𝐢𝐮 𝐧𝐨 𝐈𝐧𝐝𝐮𝐬𝐭𝐫𝐢𝐚 𝐓𝐢𝐦𝐨𝐫-𝐋𝐞𝐬𝐭𝐞 𝐧𝐨 𝐌𝐢𝐧𝐢𝐬𝐭𝐞𝐫𝐢𝐮 𝐈𝐧𝐝𝐮𝐬𝐭𝐫𝐢𝐚 𝐈𝐧𝐝𝐨𝐧𝐞𝐬𝐢𝐚 𝐡𝐚𝐥𝐨 𝐑𝐞𝐮𝐧𝐢𝐚𝐮𝐧 𝐁𝐢𝐥𝐚𝐭𝐞𝐫𝐚𝐥

Dili, 28 Agostu 2025

Eselensia Ministru no Vise Komersiu no Industria, Sr. Nino Pereira no Augusto Júnior Trindade, halo enkotru bilateral ho Vise Ministru Industria Indonesia, Sr. Faisol Riza, ho delegasaun iha salaun enkotru Ministeriu Komersiu no Industria, Fomentu Mandarin Dili.

Reuniaun bilateral entre MCI Timor-Leste ho Kementrian Perindustrian Indonesia, iha komitmentu hanesan hakarak reforsa malu liu husi kapasitasaun area industria nian hodi diversifika produtu sira seluk ho valor ekonomia ne’ebe as hodi asesu ba merkadu global.

Iha reuniaun ne’e Wakil Mentri Perindustrian Indonesia, Sr. Faisol Riza, mos hato’o agardese ba IX Governu liu husi Ministeriu Komersiu no Industria konvida ona nia ho delegasaun mai Timor-Leste hodi partisipa Dili International Trade Expo 2025, eventu ne’e importante tanba bele halibur emprezariu sira husi nasaun oi-oin hodi halo koneksaun entre empreza sira hodi kria inisiativa kooperasaun bele halo investimentu iha rai laran hodi eleva ekonomia rejional.

Entertantu reuniaun bilateral ne’e akompaña mos hosi, Diretor Jeral Komersiu, Diretur Jeral Industria, xefe gabinete nain rua, gabinete juridiku, auditoriu interna, asesor internasional no nasional, sira Embaxador Indonesia iha Timor-Leste no Delegasaun husi Wakil Mentri Perindustrian Indonesia.