𝐒𝐄𝐑𝐈𝐌Ó𝐍𝐈𝐀 𝐀𝐁𝐄𝐑𝐓𝐔𝐑𝐀 𝐁𝐀 𝐃𝐈𝐋𝐈 𝐈𝐍𝐓𝐄𝐑𝐍𝐀𝐒𝐈𝐎𝐍𝐀𝐋 𝐓𝐑𝐀𝐃𝐄 𝐄𝐗𝐏𝐎 𝟐𝟎𝟐𝟓

Dili, 28 Agosto 2025

IX Governu Konstitusional liuhusi Ministériu Komérsiu no Indústria(MCI) ho koordenasaun ho Ministru Koordenadór Asuntus Ekonómikus (MCAE) no Ministru Turismo no Ambiente, hetan apoiu husi Kámara Komérsiu no Indústria Timor-Leste (CCI-TL) ofisialmente lansa Komérsiu Internasional 2025 dahuluk iha Timor-Leste.

S.E Primeiru Ministru(PM) Kay Rala Xanana Gusmão iha nia diskursu hateten Expo Komérsiu Internasionál Dili 2025 ne’e hanesan maneira ida atu hateten ba mundu, Timor-Leste nakloke ona ba negósiu.

“Ida-ne'e maka selebrasaun ida ba ita-nia povu nia kriatividade no determinasaun ne'ebé maka'as tebes. Expo ne’e mós hanesan fatin ida ba empreza nasionál no internasionál sira atu hasoru malu, esplora oportunidade negósiu no harii rede foun ba investimentu.” Diskurso PM, Kay Rala Xanana Gusmão, iha Centro Convenções de Díli(CCD)

“Ita-nia Planu Estratéjiku Dezenvolvimentu estabelese ita-nia vizaun ba tempu naruk, atu dezenvolve ita-nia povu, harii infraestrutura krítika no kria ekonomia ida ne’ebé diversifikadu no reziliente. Programa Governu nian harii iha vizaun ne'ebe foka liu ba kriasaun empregu, atrai investimentu, apoia setór privadu no prepara Timor-Leste ba adezaun ba ASEAN.”

Iha fatin hanesan Ministru Komérsiu no Indústria Sr. Nino Pereira ho orgullu hato'o benvindu ba partisipante sira hotu ne’ebe marka prejensa iha eventu Expo Internasionál Komérsiu 2025

“Ohin ita halo istória. Ita loke ita-nia odamatan ba mundu la’ós de’it atu hatudu sé mak ita, maibé mós atu lolo liman no dehan ba ita-boot sira: sai ami-nia parseiru iha viajen ida-ne’e hodi promove no konsolida Setór Privadu”_ Ministru MCI Nino Pereira

“Komérsiu Dili 2025 iha objetivu ida ne'ebé klaru tebes: atu liga. Liga ami nia produtór sira ba mundu. Liga investimentu internasionál ba potensiál timoroan nian. No, liuliu, liga ita-nia patrimóniu bei'ala sira-nian ba inovasaun futuru nian. "Halo ida-ne'e no marka ida-ne'e!"

Ba ita-nia konvidadu internasionál na'in sia-nulu-resin-tolu (93) atu habelar konektividade”

Entertantu Dili Intertinal Trade Expo 2025 sei realiza durante loron 5 ho programa sira hanesan:

• Espozitór internasionál sira no negósiu lokál sira

• Talk show no atuasaun kulturál sira

• Business Match Making, asinatura Memorandu Entendimentu entre partisipante sira.

• Showcase Art no Kultura, múzika nasionál, aprezentasaun diretu hosi artista sira Inovasaun hosi Universidade no Empreza sira.

• aprezentasaun kona-ba oportunidade negósiu no investimentu hosi governu, órgaun distritál sira no Kámara Komérsiu no Indústria nomos sei iha aprezentasaun kona-ba asesu ba kréditu bankáriu.