𝐕𝐌𝐂𝐈 𝐡𝐨 𝐃𝐢𝐫𝐢𝐣𝐞𝐧𝐭𝐞 𝐒𝐢𝐫𝐚 𝐒𝐢𝐦𝐮 𝐁𝐚𝐢𝐧𝐚𝐤𝐚 𝐇𝐮𝐬𝐢 𝐌𝐚𝐜𝐚𝐮-𝐗𝐢𝐧𝐚

Dili, 27 Agostu 2025

Eselensia Vise-Ministru Komérsiu no Indústria Sr. Augusto Junior Trindade, akompaña hosi Diretur Jéral Indústria, Koordenador Gabinete Apoio Legal, Inspetor Gabinete Inspesaun no Auditoria Internal, ho orgullu bo'ot, simu reprejentante delegasaun husi Macau-Xina, Sr. Jacinto Luiz hanesan Vogal Konsellu Admistrativu , Institutu Promosaun Komersiu no Investimentu Rejiaun Admistrativa Espesial Macau, ne’ebé sei partisipa iha eventu Dili Internasional Trade Expo 2025 (DITE), iha Centro Convenções de Díli (CCD).

Vogal Konsellu Admistrativu, Institutu Promosaun Komersiu no Investimentu Rejiaun Admistrativa Espesial Macau, Sr. Jacinto Luiz, sente orguillu vizita dahuluk Timor-Leste hanesan previleizu boot ba sira nia ekip tanba, vizita ne’e atu partisipa eventu dahuluk Dili International Trade Expo 2025, no sira haree Timor-Leste nasaun ne’ebé kiik maibe iha potensia boot ba merkadu internansional sira tanba sai ona membru WTO no tempu badak sei sai membru ASEAN, ne’e orguillu ida bele dada investor sira mai investe iha Timor-Leste.