𝐌𝐂𝐈 𝐇𝐚𝐥𝐨 𝐑𝐞𝐮𝐧𝐢𝐚𝐮𝐧 𝐁𝐢𝐥𝐚𝐭𝐞𝐫𝐚𝐥 𝐡𝐨 𝐆𝐨𝐯𝐞𝐫𝐧𝐚𝐝𝐨𝐫 𝐍𝐓𝐓

Dili, 27 Agostu 2025

Eselensia Vise-Ministru Komérsiu no Indústria Sr. Augusto Junior Trindade, akompaña hosi Xefe Gabinete nain 2, Diretur Jéral Indústria, Koordenador Gabinete Apoio Legal, Inspetor Gabinete Inspesaun no Auditoria Internal, no Asesor 2, hala’o enkotru bilateral ho Vise Governador Provinsia Nusa Tengara Timur (NTT), iha salaun enkotru Ministeriu Komersiu no Industria Fomentu Mandarin Dili.

Iha reuniaun ne’e asuntu ne’ebé bilateral nian entere Timor-Leste ho Indonesia mas liliu, koalia barak liu konaba servisu iha fronteira, oinsa estabelese fali merkadu ida iha fronteira ne’eba no fasilita movimentu tama sai iha fronteira hodi nune’e komunidade sira bele asesu nesesidade ne’ebé povu rua ne’e presiza bele asesu lalais.

Iha enkotru ne’e mós fo obrigadu ba sira nia prezensa mai Timor-Leste konvite ne’ebé ita fo, Dili International Trade Expo 2025 (DITE) ne’ebé ita halo primeira vez ita nia istoria Timor-Leste nian, sira kumpri ita nia konvite, sira marka prezensa iha ne’e ita agradese ba sira hanesan viziñu.

Vise Governador NTT, Sr. Johanis Asadoma, sente kontente tebes bele hetan konvite DITE nian hodi bele partisipa direta ho membru sira hamutuk atus ida resin, no bele hetan oportunidade hasoru nasaun sira ne’ebe mai partisipa iha expo ne’e hodi explora diak liu tan aprezentasaun sira durante iha expo ne’e lao.