𝐌𝐂𝐈 𝐒𝐈𝐌𝐔 𝐁𝐀𝐈𝐍𝐀𝐊𝐀 𝐄𝐒𝐏𝐄𝐒𝐈Á𝐋 𝐇𝐔𝐒𝐈 𝐁𝐑𝐔𝐍𝐄𝐈 𝐃𝐀𝐑𝐔𝐒𝐀𝐋𝐀𝐌

Dili, 27 Agosto 2025

Ministru Komérsiu no Indústria Sr. Nino Pereira, akompaña hosi Xefe Gabinete nain 2, Diretur Jéral Indústria, Koordenador Gabinete Apoio Legal, Inspetor Gabinete Inspesaun no Auditoria Internal, no Asesor 2, ho orgullu bo'ot, simu Reprezentante Prinsipál hosi Brunei Darusalan, Señora Norlela Suhailee, Diretora Konsellio Dezenvolvimentu Ekonomia (DARe), ne’ebé sei partisipa iha eventu Dili Internasional Trade Expo 2025 (DITE), iha Centro Convenções de Díli (CCD).

Brunei Darusalan iha Empreza nain 4 opera ona iha Timor-Leste no paricipa ho delegasaun empreza bo'ot iha DITE 2025, ho interese atu buka hatene di'ak liu tan potensialidade no oportunidade para realizasaun investimentu no diversifikasaun negósiu iha Timor-Leste.

Sira kontente tebes no hato'o sira nia felisitasoens ba Timor-Leste nia adezaun ba OMK no besik ona atu integradaun iha ASEAN. Ida ne'e kontribui atu hasa'e nível konfiansa ba realizasaun investimentu. Sira mo'os disponível atu buka dalan Business to Business (B2B), ka Governu to Governo (G2G) atu promove di'ak liu tan Setor Privadu no moris di'ak ba Povu Timor-Leste iha área negósiu.

DARe (Kosellio Dezenvolvimento Ekonomia) hanesan instituisan ida mak hala'o ponte entre Setor Públiku no Setor Privadu iha Brunei Darusalan. Sira mak "gateway" ba investimento no dezenvolvimentu ekonomia no parseria ho rai liur.