DILI INTERNATIONAL TRADE EXPO 2025 (DITE-2025)

Expoziasaun Komérsiu Internasionál dahuluk Timor-Leste, ne’ebé organiza liuhosi Ministériu Komérsiu no Indústria.

 

IX Governu Konstitusional liuhusi Ministériu Komérsiu no Indústria(MCI) ho koordenasaun no apoiu husi Gabinete Ministru Koordenadór Asuntus Ekonómikus (MCAE) no Ministériu Turismo no Ambiente ( MTA) , sei realiza Dili International Trade Expo 2025 (DITE-2025) iha loron 28 Fulan Agosto to’o loron 1 fulan Setembro 2025.

 

Ho objetivu atu halibur nasaun sira, empreza ki’ik, média no empreza sira, Organizasaun Naun-Governamentál (ONG) no Organizasaun Governamentál Internasionál (OGI) sira, atu hatudu sira-nia realizasaun no hatudu buat foun sira liuhosi inovasaun, kultura no teknolojia, no mós enkoraja kolaborasaun ho setór oioin.

 

DITE-2025 ofisialmente hahú ona lansa hosi Sua exelénsia Ministru Komérsiu No Indústria Sr. Nino Pereira, ba públiku, iha sala reunian Ministériu nian, lokaliza iha Bebora-Dili, iha loron 28 fulan Abril 2025. Hanesan ezpozisaun dahuluk, nune’e hare’e liu ba iha potensiailidade ne’ebe Timor-Leste iha, iha setór ekonómiku, liu-liu iha área negósiu, inklui potensiailidade produtu, aliña OJE 2025 nian ho kompeténsia ne’ebé fo mai MCI, atu halo promosaun, divulgasaun ba produtu akresentadu sira ne’ebé iha valor ekonómiku hodi bele responde ba nesesidade merkadu rai laran nomós merkadu internasional.

 

Komisaun Organizadora DITE-2025, realiza ona reuniaun tékniku internal Ministériu nian no reuniaun koordenasaun inter-Ministerial relevante sira, inklui seitór privadu, sosiedade sivil sira no instituisaun akadémiku ne’ebé sei involve estudante universitáriu sira hahú husi preparsaun to’o ba realizasaun eventu DITE-2025 nian.

 

Ministru MCI Nino Pereira, hamutuk ho ekipa Komisaun Organizadora relata ona rezultadu preparativus DITE-2025 nian ba Sua exelénsia Prezidente Repúblika Sr. Dr. José Ramos-Horta, iha Palásiu Presidente Nicolau Lobato, Bairopite-Dili, iha loron 3 fulan Juñu 2025. DITE nu’udar dalan ka odamatan atu lori merkadu Timor-Leste ba merkadu internasional, haktuir “Ministro Pereira” no husu disponibilidade Sua Eselénsia Prezidente Repúblika nu'udar Xefi Estadu mak sei halo abertura ba eventu internasionál DITE-2025 nian.

 

Entertantu, Sua Eselénsia Prezidente Repúblika orgullu ho plano no programa ne’e tanba, bele dezemvolve Timor-Leste ba iha merkadu global ho produtus potensiais sira.

 

Atu konklui katak Sua Eselénsia Prezidente Repúblika sei hato’o mensagem ofisiál kona-ba programa DITE-2025 nian, liuhosi Pájina Ofisiál Prezidénsia da Repúblika, hodi konvida ema hotu liu-liu nasaun membru ASEAN, CPLP, no seluk-tan hodi hola parte mos iha Trade Expo ne’e.

 

_Media MCI