DILI INTERNATIONAL TRADE EXPO 2025 (DITE-2025)

DITE-2025 nu’udar expoziasaun Komérsiu Internasionál dahuluk Timor-Leste nian, ne’ebé organiza liuhosi Ministériu Komérsiu no Indústria (MKI).

 

DITE-2025 ho objetivu:

Atu halibur nasaun sira, empreza ki’ik no média empreza sira, Organizasaun Naun-Governamentál (ONG) no Organizasaun Governamentál Internasionál (OGI) sira, atu hatudu sira-nia realizasaun no hatudu buat foun sira liuhosi inovasaun, kultura no teknolojia, no mós enkoraja kolaborasaun entre setór oi-oin.

 

DITE-2025 ofisialmente lansa ona hosi Eselénsia Ministru Nino Pereira, ba públiku, iha Sala Reunian MKI nian, lokaliza iha Bebora-Dili, loron 28 Abril 2025. Hanesan ezpozisaun dahuluk, nune’e hare’e liu ba iha potensiabilidade ne’ebe ita iha, kona-ba potensiabilidade ekonómiku, potensiabilidade negósiu, inklui potensiabilidade produtu, aliña ho OJE 2025 nian no kompeténsia ne’ebé fo mai MKI, atu halo promosaun, divulgasaun ba produtu akresentadu sira ne’ebé iha valór ekonómiku hodi bele responde ba nesesidade merkadu rai-laran no mós merkadu internacional.

 

Komisaun Organizadora DITE-2025, realiza ona reuniaun tekniku internal sira Ministériu nian no reuniaun koordenativa inter-Ministerial relevante sira, inklui seitór privadu, sosiedade sivil sira no instituisaun akadémiku ne’ebé sei involve estudante universitáriu sira hahuu husi preparsaun hodi to’o ba topu realizasaun eventu DITE-2025 nian.

 

 

Sua Eselensia Ministru MKI, Sr. Nino Pereira hamutuk ho ekipa Komisaun Organizadora relata ona rezultadu preparativus sira DITE-2025 nian ba Sua Eselensia Prezidente Repúbllika Sr. Dr. José Ramos Horta, iha Palásiu Presidente Nicolau Lobato, Bairopite-Dili, loron 3 Juñu 2025. DITE nu’udar dalan ka odamatan atu lori merkadu Timor-Leste ba merkadu internasional, haktuir “Ministro Pereira” no husu Sua Eselénsia Prezidente Repúblika nuudar Xefi Estadu mak sei fo abertura ba eventu internasionál DITE-2025 nian.

 

Entertantu, Sua Eselénsia Prezidente Repúblika orgullu ho plano no programa ne’e tanba, bele dezemvolve Timor-Leste ba iha merkadu globál ho produtu potensiál sira.

 

Atu konklui katak Sua Eselénsia Prezidente Repúblika sei hato’o mensagem ofisiál kona-ba programa DITE-2025 nian, liuhosi Pájina Ofisiál Prezidénsia Repúblika nian, hodi konvida ema hotu liu-liu nasaun membru ASEAN, CPLP, no seluk-tan hodi hola parte mos iha Trade Expo dahuluk ne’e.