𝐓𝐢𝐦𝐨𝐫-𝐋𝐞𝐬𝐭𝐞 𝐏𝐚𝐫𝐭𝐢𝐬𝐢𝐩𝐚 𝑺𝒆𝒄𝒐𝒏𝒅 𝑨𝑺𝑬𝑨𝑵 𝑺𝒆𝒏𝒊𝒐𝒓 𝑬𝒄𝒐𝒏𝒐𝒎𝒊𝒄 𝑶𝒇𝒇𝒊𝒄𝒊𝒂𝒍 𝑴𝒆𝒆𝒕𝒊𝒏𝒈, 𝑭𝒐𝒓 𝒕𝒉𝒆 56𝒕𝒉 𝑴𝒆𝒆𝒕𝒊𝒏𝒈 𝒐𝒇 𝒕𝒉𝒆 𝑨𝑺𝑬𝑨𝑵 𝑬𝒄𝒐𝒏𝒐𝒎𝒊𝒄 𝑴𝒊𝒏𝒊𝒔𝒕𝒆𝒓

Penang, Malásia., 23 Abril 2025

Sua eselensia Vise Ministru Komersiu no Indústria, Sr. Augusto Júnior Trindade, hanesan, Xefe Delegasaun Timor-Leste ba partisipa Second ASEAN Senior Economic Official Meeting,(SEOM) For the 56th Meeting of the ASEAN Economic Minister (SEOM 2/56), iha loron 21-24 fulan abril tianan 2025 iha Penang Malázia.

Iha intervensaun dahuluk xefe delegasaun SEOM Timor-Leste, eselensia Vise Ministru Komersiu no Indústria, Sr. Augusto Júnior Trindade, hato’o agradese ba diskusaun konsensu iha SEOM nia laran hosi Estadu-membru sira ASEAN nian iha loron primeiru reuniaun SEOM 2/56 nian.

“apresia tebes SEOM nia papél hodi fasilita sira nia konsiderasaun no submisaun ba endosu hosi Ministru Ekonómiku sira ASEAN nian (AEM). Ami rekoñese importánsia hosi akordu sira-ne'e hodi hametin ASEAN nia arkitetura jurídika ekonómika no reafirma ami nia kompromisu atu aliña ho ASEAN nia prinsípiu no enkuadramentu legál sira.”

Vise Ministru agrumenta Timor-Leste prontu ona atu adere ba Akordu Ekonómiku ASEAN (AEA) neen-nulu resin neen (66) ne’ebé lista iha, no Lista Prioridade ida ba Roteiru Adezaun tuir Nota Verbál ne’ebé submete ona ba ASEC.

Entertantu Timor-Leste iha nafatin kompromisu atu avansa marka sira nia roteiru nian no prontu atu kontinua kumpre ita-nia obrigasaun no responsabilidade sira tuir prinsípiu no enkuadramentu sira ASEAN nian.