𝐍𝐞𝐠ó𝐬𝐢𝐮 𝐊𝐢'𝐢𝐤 𝐒𝐢𝐫𝐚 𝐇𝐚𝐡ú 𝐄𝐳𝐢𝐬𝐭𝐞 𝐧𝐨 𝐒𝐚𝐢 𝐁𝐮𝐫𝐚𝐬

Dili, 04 Abril 2025

Mikro-negósiu barak mak eziste ona no sai buras daudauk iha Timor-Leste. Sira ultrapasa dezafiu oioin, maibé kontinua eziste no kontribui mós ba dezenvolvimentu ekonómiku iha nasaun ne'e.

Empreza Asarini hanesan mós ida hosi sira seluk ne’ebé eziste hela, hala’o produsaun sofa iha Komoro, ho eskala ki'ik maibé responde ona nesesidade públiku nian ba produtu refere.

Lori papél IX Governu Konstitusionál, liuhosi Ministériu Komérsiu no Indústria, iha Sesta-feira ne’e realiza vizita ida tan ba empreza ida-ne'e, atu kontinua akampaña, apresia no enkoraja sira-nia kreximentu, inklui reforsa inisiativa sira ba apoiu mikro-negósiu sira iha territóriu tomak.

Iha vizita ida-ne'e, alein haree direita atividade produsaun, enkoraja mós joven sira atu aproveita oportunidade sira ne'ebé iha, hanesan formasaun no asesu kréditu hodi ajuda inovasaun no kreximentu emprezariál.

Parseria setór públiku no setór privadu nu'udar buat ne’ebé esensiál iha prosesu dezenvolvimentu nasionál. Governu kontinua promove sira atu eziste no sai buras hamutuk ho sosiedade.