𝐃𝐞𝐥𝐞𝐠𝐚𝐬𝐚𝐮𝐧 𝐓𝐢𝐦𝐨𝐫-𝐋𝐞𝐬𝐭𝐞 𝐡𝐚𝐥𝐚'𝐨 𝐕𝐢𝐳𝐢𝐭𝐚 𝐄𝐬𝐭𝐮𝐝𝐮 𝐈𝐧𝐝𝐮𝐬𝐭𝐫𝐢á𝐥 𝐢𝐡𝐚 𝐊𝐚𝐦𝐛𝐨𝐝𝐢𝐚
Cambodia, Junu-Jullu 2025- Delegasaun husi Ministériu Komérsiu no Indústria (MCI) Timor-Leste, hala'o vizita estudu ida ba Kambodia. Delegasaun ne'e inklui membru na'in 9 husi MCI, reprezentante na'in 1 no ofisiál programa na'in 1 husi JICA no JICA nia asesór dezenvolvimentu industriál haruka iha MCI. 
Durante períodu loron tolu nia laran, sira vizita departamentu oin-oin ne'ebe tutela iha Ministériu Komérsiu  Kambodia nian. Loron rua seluk husi programa ne'e inklui vizita ba Zona Ekonómika Espesiál (ZEE) iha Kambodia hanesan; ⁠Sihanoukville besik fronteira ho Tailándia no ⁠seluk tan besik fronteira Vietnám.
Delegasaun ne'e mós simu benvindu di'ak husi Konsellu Dezenvolvimentu Kambodia (CDC).
Objetivu husi vizita ne'e inklui: Haree ba setór manufatura Kambodia nian no haree lisaun saida mak Timor-Leste bele aprende atu formula nia Planu Asaun Manufatureira, Komprende oinsá Kambodia uza Zona Ekonómika Espesiál  hodi atrai investimentu estranjeiru - no hanoin kona-ba oinsá Timor-Leste bele halo buat ne'ebé hanesan nomos aprende oinsá lei kompetisaun no lei propriedade intelektuál aplika iha prátika, liu-liu atu kumpre rękęzitu sira atu tama ba ASEAN no Organizasaun Mundial Komérsiu . 
Misaun ida ne'ebé hala'o husi 29 Junu to'o 6 Jullu 2025, hetan finansiamentu tomak husi JICA.