𝐌𝐢𝐧𝐢𝐬𝐭𝐫𝐮 𝐊𝐨𝐦é𝐫𝐬𝐢𝐮 𝐧𝐨 𝐈𝐧𝐝ú𝐬𝐭𝐫𝐢𝐚 𝐨𝐛𝐬𝐞𝐫𝐯𝐚 𝐝𝐢𝐫𝐞𝐭𝐚 𝐩𝐫𝐨𝐬𝐞𝐬𝐮 𝐩𝐫𝐨𝐝𝐮𝐬𝐚𝐮𝐧 𝐤𝐚𝐟é 𝐄𝐱𝐩𝐫𝐞𝐬𝐬𝐨 𝐡𝐚𝐟𝐨𝐢𝐧 𝐀𝐈𝐅𝐀𝐄𝐒𝐀 𝐒𝐮𝐬𝐩𝐞𝐧𝐝𝐞

Dili, 4 Jullu 2025- Sua Exelénsia Ministru Komérsiu no Indústria Sr. Nino Pereira, akompaña hosi Diretór Rekursu Umanu, Xefe Departementu Mídia no Informasaun Komunikasaun no Teknolojia, halo vizita ba empreza Robicco, Lda ne’ebé lokaliza iha Tíbar, Munisípiu Likisá.

Objetivu hosi vizita ne’e Ministru Nino Pereira, hakarak haree direita atividade produsaun kafé expresso ne’ebé kuaze fulan fulan tolu, parte AIFAESA suspende ho razaun atu hadia kondisaun fatin ne’ebe la ijene.

“𝘐𝘵𝘢 𝘩𝘰𝘵𝘶 𝘩𝘢𝘵𝘦𝘯𝘦 𝘩𝘰 𝘥𝘪’𝘢𝘬 𝘬𝘰𝘯𝘢-𝘣𝘢 𝘬𝘢𝘧é 𝘦𝘹𝘱𝘳𝘦𝘴𝘴𝘰 𝘭𝘢𝘬𝘰𝘯 𝘵𝘪𝘩𝘢 𝘪𝘩𝘢 𝘮𝘦𝘳𝘬𝘢𝘥𝘶 𝘯𝘰 𝘬𝘰𝘮𝘴𝘶𝘮𝘪𝘥ó𝘳, 𝘣𝘢𝘳𝘢𝘬 𝘩𝘦𝘪𝘯 𝘩𝘦𝘭𝘢 𝘣𝘢𝘪𝘯𝘩𝘪𝘳𝘢 𝘮𝘢𝘬 𝘣𝘦𝘭𝘦 𝘳𝘦-𝘢𝘵𝘪𝘷𝘢 𝘧𝘢𝘭𝘪 𝘣𝘢 𝘪𝘩𝘢 𝘱𝘳𝘰𝘥𝘶𝘴𝘢𝘶𝘯 𝘬𝘢𝘧é 𝘦𝘹𝘱𝘳𝘦𝘴𝘴𝘰.”

Atu responde ba prekupasaun hirak ne’e AIFAESA re-ativa hikas empreza Robicco hodi kontinua hala’o fila-fali atividade produsaun ba iha produsaun kafé Expresso.

Iha vizita ne’e mos Ministru MCI husu empreza ne’e atu hola parte mos iha Dili International Trade Expo eventu eskala internasional ne’ebe sei realiza iha loron 28 fulan Agustu to’o 1 Setembru 2025, iha Centro Convention Dili(CCD).