𝐕𝐢𝐬𝐞 𝐌𝐢𝐧𝐢𝐬𝐭𝐫𝐮 𝐊𝐨𝐦𝐞́𝐫𝐬𝐢𝐮 𝐧𝐨 𝐈𝐧𝐝𝐮𝐬𝐭𝐫𝐢𝐚 𝐄𝐧𝐬𝐞𝐫𝐚 𝐒𝐞𝐦𝐢𝐧𝐚́𝐫𝐢𝐮 𝐊𝐨𝐧𝐚-𝐛𝐚 𝐊𝐨𝐦𝐩𝐫𝐞𝐧s𝐚𝐮𝐧 𝐧𝐨 𝐈𝐦𝐩𝐥𝐞𝐦𝐞𝐧𝐭𝐚𝐬𝐚𝐮𝐧 𝐀𝐄𝐂

Dili, 06 Novembru 2025

Eselensia Vise-Ministru Komérsiu no Industria Sr. Augusto Junior Trindade, halo enseramentu ba Semináriu pos-Asesu kona-ba Komprensaun no Implementasaun Komunidade Ekonomika ASEAN (AEC), iha Hotel Timor, Dili.

Semináriu ne'e ho tema: "Beyond Accession: Forging Timor-Leste's National AEC Implementation Roadmap 2026-2030".

Semináriu AEC pos-Asesu durante loron tolu, halibur hamutuk ajénsia governu Timor-Leste nian, setor privadu, akademiku, sosiedade sivil no parseiru dezenvolvimentu sira hodi hatudu dalan integrasaun ekonómika nasaun nian.

Semináriu ne'e orador sira la hanesan, no mai husi Estadu-membru ASEAN sira hanesan Kamboja, Lao PDR, Vietnam, no Sekretariadu ASEAN rasik.

Iha diskursu enseramentu Vise Ministru Komérsiu no Industria, hato'o agradesimentu ba orador sira ne'ebé mai husi Estadu-membru ASEAN sira hanesan Kamboja, Lao PDR, Vietnam, no Sekretariadu ASEAN rasik, ne'ebé iha vontade akomapaña nafatin tulun Timor-Leste hodi hakat ba oin.

Entretantu eventu ne'e organiza husi Ministeriu Negósiu Estranjeiru no Kooperasaun, kordensaun hamutuk ho instituisaun rejionál sira, inklui Institutu Peskiza Ekonomika ba ASEAN no Azia Leste (ERIA), no parseiru dezenvolvimentu sira hanesan DFAT-PROSIVU no Banku Dezenvolvimentu Aziatiku (ADB).