𝐌𝐢𝐧𝐢𝐬𝐭𝐫𝐮 𝐌𝐂𝐈 𝐏𝐚𝐫𝐭𝐢𝐬𝐢𝐩𝐚 𝐈𝐡𝐚 𝐒𝐞𝐦𝐢𝐧𝐚́𝐫𝐢𝐮 𝐍𝐚𝐬𝐢𝐨𝐧𝐚́𝐥 𝐤𝐨𝐧𝐚-𝐛𝐚́ 𝐏𝐚𝐧𝐨𝐫𝐚𝐦𝐚 𝐎𝐫𝐬𝐚𝐦𝐞𝐧𝐭𝐚́𝐥 𝟐𝟎𝟐𝟔

𝘿𝙞𝙡𝙞, 16 𝙊𝙪𝙩𝙪𝙗𝙧𝙪 2025-Ministru Komérsiu no Indústria Sr. Nino Pereira, Partisipa semináriu kona-ba Panorama Orsamental 2026, iha Ministériu Finansas,Ai-tarak Laran Dili.

Semináriu nasionál ida-ne’e organiza hosi Membru sira Comissão C, Parlamentu Nasionál (PN), ne’ebé mak trata Assuntu Finansas Públikas nian. Semináriu ida-ne’e sai ona momentu importante iha prosesu orsamentál ne’ebé realiza kada tinan, hodi fó oportunidade bá diálogu konstrutivu entre Parlamentu Nasionál, Governu, Instituisaun Autónomu, Parseiru Internasionál, no Sosiedade Sívil.

Objetivu prinsipál hosi semináriu panorama orsamentál ida-ne’e, atu reforsa transprénsia bá responsábilidade hotu-hotu iha jestaun finansas públikas, atu garante katak, desizaun bá orsamentál hotu-hotu tenke kontribui bá dezenvolvimentu sustentável tuir ita-nia Planu Estratéjiku Dezenvolvimentu Nasionál 2011 to’o 2030, Programa IX Governu Konstitusionál bá tinan-lima, planu asaun anuál no orsamentu annual estadu nian bá moris-di’ak tuir governu nia planu iha Timor-Leste.

Semináriu Panorama Orsamentál ne'e hala'o durante loron-rua, 16 to'o 17 Outubru 2025, ne'ebé mak partisipa hosi Membru Governu tomak IX Governu Konstitusionál, Instituisaun Autónomu sira, Parseiru Internasional sira ho Sosiedade Sivil.