Komisaun MCI Award 2025 Diskute Atividade Ne’ebé Ekipa Sei Hala'o

Dili, 28 Marsu 2025

Ministériu Komérsiu no Indústria liuhosi Diresaun Jerál Komérsiu organiza tiha ona reuniaun dahuluk ba komisaun hodi diskute estrutura, tarefa no kalendáriu atividade iha loron Kuarta-feira, no ohin Sexta-Feira, Sekretariadu MCI Award realiza tan enkontru hodi elabora hamutuk matadalan, orsamentu, lansamentu no levantamentu dadus iha terenu tuir kalendáriu ne'ebé prepara tiha ona.

MCI Award hanesan programa rekoñesimentu ba setór privadu nia kontribusaun iha diversifikasaun ekonomia nasionál. Programa ida-ne’e hala'o tinan rua dala ida, no hala'o tiha ona ba dahuluk iha tinan 2023.