Dili,08 Novembru 2024

Emprezariu sira husi Grande Baia, Guandong- Hongkong no Macau ne’ebe lidera husi señór Forest Tang, Managing Diretor husi Grupo Top Builders Group Ltd, mai hasoru sua exelénsia Ministru Komérsiu no Indústria Sr. Nino Pereira iha edificio MCI Bebora, Dili hodi buka oportunidade ba investimentu nomos partisipa iha prosesu dezenvolvimentu iha Timor-Leste. Iha sorumutu, Ministru Nino Pereira hateten Timor-Leste hanesan nasaun ne'ebé menus dezenvolvidu no presija kooperasaun ho investidor sira iha rai liur, hodi haforsa ekonomia no fó benefísiu ba ema lokál sira hodi dezenvolve setor sira iha Timor-Leste.

“Ami presija tebtebes atu haforsa ekonomia iha rai ida ne’e, tamba ne’e maka prezensa ita boot sira nia hanesan parte ida atu dudu mos dezenvolvimentu ekonomia iha rai ida ne’e, ami simu ona orientasaun husi Señor Primeiru Ministru atu nakloke no fo oportunidade barak liu ba kooperasaun liu-liu mak investimentu sira husi rai liur, atu hare oportunidade ne’ebe maka ita dezenvolve rai ida ne’e, ami iha politika dezenvolvimentu industria ne’ebe foka liu ba iha dezenvolvimentu setor agrikultura, iha industria Manufaktureira, peskas pekuaria, Turismu kontrusaun sivil nomos ami hanoin dehan importante liu kria kondisoens iha parke industria ne’ebe mak lokaliza iha Ulmera no Maubara, buat ne’ebe maka Timor-Leste presija liu hanesan nasaun menus dezenvolvindo maka fo benefísiu ba ema local sira hodi dezenvolve sira nai negósiu’’_ informa Ministro MCI Kooperasaun ekonomika ne’ebe maka Timor-Leste halo ho nasaun sira hanesan Xina, nasaun membru sira husi Europeia, Japaun, Amerika, Alemanha inklui mos nasaun CPLP, hodi halo dezenvolvimentu iha Timor-Leste no promove kooperasaun ekonomika Komersial.Partisipa iha sorumutu ne’e Xefe Gabinete Ministru, Diretor Jeral Industria, Diretor departamentu parke Indutria, nomos asesor sira.

_Remata