Dili,04 Outubru 2024

Ministru Komérsiu no Indústria Nino Pereira partisipa semináriu kona-ba “Hasa’e Produsaun Hare Rentabilidade no Hodi Hasa’e Seguransa Ai-han iha Timor-Leste, ne’ebe organiza husi Food and Agriculture Organization(FAO) iha Suai Room Timor-Plaza, Dili.

Iha diskurso Ministru Nino Pereira hateten seguransa aihan hanesan parte importante hodi asegura sustentablidade ekonomia rai laran, maske nune’e sei iha dependensia ba iha  foos importadu sira.

“ Ita nia kompromisu bo’ot ba estado ida ne’e ligado ba iha seguransa aihan, parte ida ne’e ita hare katak  produsaun foos ne’ebe maka hanesan parte importante ida hodi asegura no ku’u husi inisiu to’o ba iha merkadu. Ita rekonhese katak iha difikuldade bo’ot li-liu maka rekursu umano ba iha setor agrikultura ne’e rasik ,husi ita nia ema sira ne’ebe maka dedika an iha vida nu’udar agrikultor, ne’ebe maka ita hare’e sai hanesan desafiu bo’ot hodi afeta mos ba iha produsaun ba ita nia rai laran, tanba ne’e maka isu ne’e nafatin sai hanesan isu central husi parte Ministeriu Agrikultura nomos Ministeriu Komérsiu no Indústria”_dehan Ministru MCI

Governante ne’e mos afirma Timor-Leste presija setór privadu sira hodi bele hare potensilidade ida ne’ebe maka presija dezenvolve hamutuk ho parte interesada sira hodi buka solusaun atu nune’e bele reduz foos importadu sira no hasae nafatin kuantidade produsaun iha rai laran.

_Remata