𝘿í𝙡𝙞, 02 𝘿𝙚𝙯𝙚𝙢𝙗𝙧𝙪 2025

Iha tersa semana ne'e ekipa hosi empreza ZHONGGANG CONSTRUCTION GROUP, husi nasaun Xina, hala’o reuniaun ho Ministru Komérsiu no Indústria Sr. Nino Pereira, iha ninia gabinete, hodi aprezenta planu investimentu ne’ebe empreza ida ne’e hakarak realiza iha Timor-Leste.

Iha sorumutu ne’e koalia konaba investimentu produsaun somente liu husi mekanismu Parseria Publiku-Privadu (PPP) no Build-Operate-Transfer (BOT), hanesan modelu inovador atu fasilita dezenvolvimentu.

Diskute mos oportunidade investimentu seluk iha Timor-Leste, inklui:

• Infraestrutura Marítima: limpeza tasi, engrenajen portu no dredging relevante ba prioridade dezenvolvimentu portu maritimu.

• Setor Minerais: eksplorasaun karbo mineral, ouro no minerais seluk.

• Energia & Agrikultura: potensial ba fabrika produsaun energia renovável/mineral, no fertilizante atu suporta agrikultura nasional.

Ministru apresia ho programa investimentu ne’ebé hato’o husi empreza ida-ne'e, no husu atu halo kordenasaun ho Ministériu sira seluk hanesan Ministériu Planeamentu no Investimentu Estratéjiku, no mós Ministeriu Petroleum no Minerais, Trade Invest Timor-Leste , Ministeriu Obras Publika.

Empreza ida-ne'e mós iha planu seluk atu halo tan ba oin maibé sei kontatu ho ministériu sira relevante atu fasilita investimentu ida-ne'e hodi bele realiza ho di'ak.

Partisipa iha enkontru ne’e Ásesor Prinsipal, Asesor Internasional nomós ekipa hosi kompañia ZHONGGANG CONSTRUCTION GROUP.