𝐑𝐞𝐮𝐧𝐢𝐚𝐮𝐧 𝐚𝐯𝐚𝐥𝐢𝐚𝐬𝐚𝐮𝐧 𝐛𝐚 𝐬𝐞𝐫𝐯𝐢𝐬𝐮 𝐢𝐡𝐚 𝐌𝐢𝐧𝐢𝐬𝐭é𝐫𝐢𝐮 𝐊𝐨𝐦é𝐫𝐬𝐢𝐮 𝐧𝐨 𝐈𝐧𝐝ú𝐬𝐭𝐫𝐢𝐚(𝐌𝐂𝐈)

𝘋𝘪𝘭𝘪, 31 𝘑𝘶𝘭𝘭𝘶 2025- Ministru no Vise-Ministru Komérsiu no Indústria Sr. Nino Pereira no Augusto Júnior Trindade, hala’o reuniaun avaliasaun ho Diretór Jerais, Diretores Nasionál, Diretor Munisipiál, Xefe Departamentu no funsionáriu sira hotu iha Ministériu Komérsiu no Indústria hafoin inagura sala reuniaun foun MCI, iha Fomentu Mandarin Dili.

Reuniaun ne’e sai sasukat importante atu avalia implementasaun ba atividade tinan rua nian, ne’ebé implementa ona husi kada Diresaun ne’ebé tutela iha Ministériu Komérsiu no Indústria(MCI). Hodi identifika progresu no atinjimentu sira, inklui dezafiu sira ne’ebé eziste durante prosesu implementasaun programa ka atividade, liu-liu iha aspektu koordenasaun entre Diresaun sira no envolvimentu ka partisipasaun iha nivel internacional.

Sorumutu ne’e partisipa husi Diretór Jerál Komérsiu, Diretór Jerál Indústria, Diretór Jerál Kooperativus, Kargu Diretór Nasionál, Diretór Munisipiál, Kargu Xefia, Funsionáriu sira.